ಹಣಕಾಸು ವರ್ಷ ಇನ್ನೇನು ಮುಕ್ತಾಯವಾಗುತ್ತಿದೆ. ಟ್ಯಾಕ್ಸ್ ಪ್ಲಾನಿಂಗ್ ವಿಷಯದಲ್ಲಿ ಅಜಿತ್ಗೆ ತುಂಬಾ ಆತಂಕವಾಗಿದೆ. ವರ್ಷದ ಆರಂಭದಲ್ಲಿ ಎಲ್ಲ ಪ್ಲಾನ್ ಮಾಡಿದ್ದರು. ಇದರಲ್ಲಿ ಹಣ ಹಾಕಬೇಕು, ಅದರಲ್ಲಿ ಹಣ ಹಾಕಬೇಕು ಎಂದೆಲ್ಲ ಅಂದುಕೊಂಡಿದ್ದರು. ಆದರೆ, ಏನನ್ನೂ ಮಾಡಲಿಲ್ಲ. ಈಗ ಅವರಿಗೆ ಚಿಂತೆಯಾಗಿದೆ. ಯಾವ ತೆರಿಗೆ ಪದ್ಧತಿ ಆರಿಸಿಕೊಳ್ಳಬೇಕು? ತೆರಿಗೆ ಉಳಿಸಲು ಯಾವುದರಲ್ಲಿ ಹೂಡಿಕೆ ಮಾಡಬೇಕು? ತೆರಿಗೆ ಉಳಿತಾಯದ ಹೂಡಿಕೆಗಳಿಗೆ ಸಾಕ್ಷ್ಯವನ್ನು ಎರಡು ತಿಂಗಳುಗಳಲ್ಲಿ ಒದಗಿಸಬೇಕಾಗುತ್ತದೆ. ಈಗ, ಹೂಡಿಕೆ ಮಾಡದೇ ಇದ್ದರೆ ಸಾಕ್ಷ್ಯ ಎಲ್ಲಿಂದ ಬರುತ್ತದೆ? ಸಾಕ್ಷ್ಯ ಇಲ್ಲ ಎಂದಾದರೆ, ಅದಕ್ಕೆ ತೆರಿಗೆ ಕಡಿತವಾಗುತ್ತದೆ. ನೀವು ಕೂಡಾ ಅಜಿತ್ ಹಾಗೆಯೇ ಚಿಂತೆಗೀಡಾಗಿದ್ದೀರಾ? 2023-24 ರ ವಿತ್ತ ವರ್ಷಕ್ಕೆ ಇನ್ನೂ ಟ್ಯಾಕ್ಸ್ ಪ್ಲಾನಿಂಗ್ ಮಾಡಿಲ್ಲವೇ? ಹಾಗಾದರೆ, ಈಗಲೇ ಕೆಲಸ ಶುರು ಮಾಡಿ. ಆದರೆ, ಅದಕ್ಕೂ ಮೊದಲು, ನಿಮಗೆ ಸಹಾಯ ಮಾಡುವ ಟ್ಯಾಕ್ಸ್ ಪ್ಲಾನಿಂಗ್ ಕುರಿತ ಕೆಲವು ತಂತ್ರಗಳನ್ನು ನಾವು ತಿಳಿದುಕೊಳ್ಳೋಣ. ಮೊದಲು, ತೆರಿಗೆ ಪದ್ಧತಿ ಅಂದರೆ ಟ್ಯಾಕ್ಸ್ ಸಿಸ್ಟಮ್ ಅನ್ನು ಆಯ್ಕೆ ಮಾಡಿಕೊಳ್ಳಿ.
ನಮ್ಮಲ್ಲಿ ಎರಡು ಟ್ಯಾಕ್ಸ್ ಸಿಸ್ಟಮ್ ಇದೆ. ಒಂದು ಹಳೆಯ ಟ್ಯಾಕ್ಸ್ ಸಿಸ್ಟಮ್. ಇನ್ನೊಂದು ಹೊಸ ಟ್ಯಾಕ್ಸ್ ಸಿಸ್ಟಮ್. ಟ್ಯಾಕ್ಸ್ ಡಿಡಕ್ಷನ್ ಎಷ್ಟು ಆಗುತ್ತೆ ಎನ್ನುವುದನ್ನು ಆಧರಿಸಿ ತೆರಿಗೆದಾರರು ತಮಗೆ ಹಳೆಯ ಟ್ಯಾಕ್ಸ್ ಸಿಸ್ಟಮ್ ಬೇಕೋ ಅಥವಾ ಹೊಸದು ಬೇಕೋ ಎನ್ನುವುದನ್ನು ಆರಿಸಿಕೊಳ್ಳಬಹುದು. ಹೊಸ ಟ್ಯಾಕ್ಸ್ ಸಿಸ್ಟಮ್ನಲ್ಲಿ ತೆರಿಗೆ ದರ ಕಡಿಮೆ ಇದೆ. ಆದರೆ, ಎಚ್ಆರ್ಎ, 80ಸಿ, 80ಡಿ ಡಿಡಕ್ಷನ್ಗಳು ಸಿಗುವುದಿಲ್ಲ. ಹೊಸ ಸಿಸ್ಟಮ್ನಲ್ಲಿ 7 ಲಕ್ಷ ರೂ.ವರೆಗಿನ ಆದಾಯಕ್ಕೆ ತೆರಿಗೆ ಬೀಳುವುದಿಲ್ಲ. ಇದೇ ರೀತಿ, ಹಳೆಯ ಟ್ಯಾಕ್ಸ್ ಸಿಸ್ಟಮ್ನಲ್ಲಿ ಇರುವ ಹಾಗೆಯೇ ಹೊಸ ಸಿಸ್ಟಮ್ನಲ್ಲಿ 2024 ರ ಫೈನಾನ್ಷಿಯಲ್ ಇಯರ್ಗೆ 50 ಸಾವಿರದ ವರೆಗೆ ಸ್ಟಾಂಡರ್ಡ್ ಡಿಡಕ್ಷನ್ ಸಿಗುತ್ತದೆ. ಅಂದರೆ, ಏಳು ಲಕ್ಷದವರೆಗೆ ನಿಮಗೆ ತೆರಿಗೆ ವಿಧಿಸಲಾಗುವುದಿಲ್ಲ. ಈ ಮಧ್ಯೆ, ಹಳೆಯ ಟ್ಯಾಕ್ಸ್ ಸಿಸ್ಟಮ್ನಲ್ಲಿ, ಐದು ಲಕ್ಷ ರೂ.ವರೆಗಿನ ಆದಾಯಕ್ಕೆ ತೆರಿಗೆ ಇರುವುದಿಲ್ಲ.
2024 ರ ಫೈನಾನ್ಷಿಯಲ್ ಇಯರ್ನಿಂದ ಹೊಸ ತೆರಿಗೆ ವ್ಯವಸ್ಥೆಯೇ ಡೀಫಾಲ್ಟ್ ಆಗಿ ಅನ್ವಯವಾಗುತ್ತದೆ. ಅಂದರೆ, ಟ್ಯಾಕ್ಸ್ ರಿಟರ್ನ್ ಫಾರ್ಮ್ನಲ್ಲಿ ಇದನ್ನು ಮೊದಲೇ ಸೆಲೆಕ್ಟ್ ಮಾಡಿರುತ್ತಾರೆ. 80ಸಿ, 80ಡಿ, ಎಚ್ಆರ್ಎ ಅನುಕೂಲವನ್ನು ನೀವು ಪಡೆದುಕೊಳ್ಳಬೇಕು ಎಂದಾದರೆ, ಹಳೆಯ ಟ್ಯಾಕ್ಸ್ ಸಿಸ್ಟಮ್ ಅನ್ನು ನೀವು ಆರಿಸಿಕೊಳ್ಳಬೇಕು. ನೀವು ಹೋಮ್ ಲೋನ್, ಟರ್ಮ್ ಇನ್ಶುರೆನ್ಸ್, ಪಿಪಿಎಫ್ ಅಥವಾ ಹೆಲ್ತ್ ಇನ್ಶುರೆನ್ಸ್ ಪಾಲಿಸಿ ಹೊಂದಿದ್ದರೆ, ಮನೆ ಬಾಡಿಗೆ ಭತ್ಯೆ ಪ್ರಯೋಜನ ಬೇಕು ಎಂದಾದರೆ, ನಿಮಗೆ ಹಳೆಯ ಟ್ಯಾಕ್ಸ್ ಸಿಸ್ಟಮ್ ಉತ್ತಮ. ನಿಮಗೆ ಯಾವ ಟ್ಯಾಕ್ಸ್ ಸಿಸ್ಟಮ್ ಉತ್ತಮ ಎಂದು ಕಂಡುಕೊಳ್ಳಲು ನೀವು…
ಇನ್ಕಮ್ ಟ್ಯಾಕ್ಸ್ ಡಿಪಾರ್ಟ್ಮೆಂಟ್ ವೆಬ್ಸೈಟ್ನ ಇನ್ಕಮ್ ಟ್ಯಾಕ್ಸ್ ಕ್ಯಾಲಕ್ಯುಲೇಟರ್ ಅನ್ನು ಬಳಸಬಹುದು. ಹಳೆಯ ಟ್ಯಾಕ್ಸ್ ಸಿಸ್ಟಮ್ನಲ್ಲಿ ಅತ್ಯಂತ ಸಾಮಾನ್ಯ ಡಿಡಕ್ಷನ್ ಎಂದರೆ ಸೆಕ್ಷನ್ 80ಸಿ. ಐಟಿ ಆಕ್ಟ್ನ ಸೆಕ್ಷನ್ 80ಸಿ ಅಡಿಯಲ್ಲಿ ತೆರಿಗೆದಾರರು ಹೂಡಿಕೆಯ ಮೇಲೆ ಒಂದೂವರೆಗೆ ಲಕ್ಷ ರೂ.ವರೆಗೆ ಡಿಡಕ್ಷನ್ ಕ್ಲೇಮ್ ಮಾಡಬಹುದು. ನೀವು ಮಾಡಿದ ಹೂಡಿಕೆಯನ್ನು ನಿಮ್ಮ ಆದಾಯದಿಂದ ಕಡಿತ ಮಾಡಲಾಗುತ್ತದೆ. ನಂತರ ತೆರಿಗೆ ಲೆಕ್ಕ ಮಾಡಲಾಗುತ್ತದೆ. ಇದರಿಂದ ನೀವು ಕಟ್ಟಬೇಕಾದ ತೆರಿಗೆ ಮೊತ್ತ ಕಡಿಮೆಯಾಗುತ್ತದೆ. ಇದರಲ್ಲಿ, ಪಬ್ಲಿಕ್ ಪ್ರಾವಿಡೆಂಟ್ ಫಂಡ್, ನೌಕರರ ಭವಿಷ್ಯ ನಿಧಿ, ಈಕ್ವಿಟಿ ಲಿಂಕ್ಡ್ ಸೇವಿಂಗ್ಸ್ ಸ್ಕೀಮ್, 5 ವರ್ಷದ ತೆರಿಗೆ ಉಳಿತಾಯ ಎಫ್ಡಿ, ಸುಕನ್ಯಾ ಸಮೃದ್ಧಿ ಯೋಜನೆಯಲ್ಲಿ ನಿಮ್ಮ ಹೂಡಿಕೆ ಇದರಲ್ಲಿ ಸೇರಿರುತ್ತದೆ.
ಇದರ ಜೊತೆಗೆ, ಎನ್ಪಿಎಸ್ನಲ್ಲಿ ಹೂಡಿಕೆ ಮಾಡಿದರೆ, ಸೆಕ್ಷನ್ 80ಸಿಸಿಡಿ(1)ಬಿ ಯಲ್ಲಿ 50 ಸಾವಿರದ ವರೆಗೆ ಹೆಚ್ಚುವರಿ ಡಿಡಕ್ಷನ್ ಪಡೆಯಬಹುದು. ಈ ಎಲ್ಲ ಹೂಡಿಕೆಗಳು ತೆರಿಗೆ ಉಳಿಸುವುದಷ್ಟೇ ಅಲ್ಲ, ಭವಿಷ್ಯದಲ್ಲಿ ಉಳಿತಾಯ ಮತ್ತು ನಿವೃತ್ತಿ ಯೋಜನೆಗೂ ಸಹಾಯ ಮಾಡುತ್ತವೆ. ಹೆಲ್ತ್ ಇನ್ಶುರೆನ್ಸ್ ಪಾಲಿಸಿಯಲ್ಲಿ ನೀವು ಕಟ್ಟಿದ ಪ್ರೀಮಿಯಂ ಆಸ್ಪತ್ರೆ ಖರ್ಚಿನ ಹೊರೆ ಕಡಿಮೆ ಮಾಡುವುದಷ್ಟೇ ಅಲ್ಲ, ತೆರಿಗೆ ಉಳಿತಾಯವನ್ನೂ ಮಾಡುತ್ತದೆ. ಹೆಲ್ತ್ ಇನ್ಶುರೆನ್ಸ್ ಪ್ರಿಮಿಯಂ ಕಟ್ಟಿದ್ದಕ್ಕೆ 50 ಸಾವಿರ ರೂ.ವರೆಗೆ ಸೆಕ್ಷನ್ 80ಡಿಯಲ್ಲಿ ಡಿಡಕ್ಷನ್ ಕ್ಲೇಮ್ ಮಾಡಬಹುದು. ಇದರಲ್ಲಿ ನಿಮಗೆ, ನಿಮ್ಮ ಬಾಳಸಂಗಾತಿ ಮತ್ತು ನಿಮ್ಮ ಮಕ್ಕಳಿಗೆ ಕವರೇಜ್ ಕೂಡಾ ಇರುತ್ತದೆ. ಇನ್ನು ಹಿರಿಯ ನಾಗರಿಕರಿಗೆ, 50 ಸಾವಿರ ರೂ. ಡಿಡಕ್ಷನ್ ಸಿಗುತ್ತದೆ. ನೀವು ಮತ್ತು ನಿಮ್ಮ ಪಾಲಕರಿಬ್ಬರೂ ಹಿರಿಯ ನಾಗರಿಕರಾಗಿದ್ದರೆ, ಒಂದು ಲಕ್ಷ ರೂ.ವರೆಗೆ ಇದರಲ್ಲಿ ಡಿಡಕ್ಷನ್ ಕ್ಲೇಮ್ ಮಾಡಬಹುದು.
ಮನೆ ಖರೀದಿಗೆ ಹೋಮ್ ಲೋನ್ ತೆಗೆದುಕೊಂಡಿದ್ದರೆ, ಹಳೆಯ ತೆರಿಗೆ ಸಿಸ್ಟಮ್ ಅನ್ನೇ ಆರಿಸಿಕೊಳ್ಳಬಹುದು. ಅಸಲು ಮತ್ತು ಬಡ್ಡಿ ಎರಡರ ಮೇಲೆಯೂ ನೀವು ತೆರಿಗೆ ಕಡಿತದ ಪ್ರಯೋಜನ ಪಡೆಯಬಹುದು. ಐಟಿ ಆಕ್ಟ್ನ ಸೆಕ್ಷನ್ 24 ರ ಅಡಿಯಲ್ಲಿ ನಿಮ್ಮ ಹೋಮ್ ಲೋನ್ನ ಅಸಲು ಮೊತ್ತದ ಮೇಲೆ 2 ಲಕ್ಷ ರೂ.ವರೆಗೆ ಡಿಡಕ್ಷನ್ ಅನ್ನು ಪಡೆಯಬಹುದು. ಹೋಮ್ ಲೋನ್ಗೆ ನೀವು ಕಟ್ಟಿದ ಬಡ್ಡಿಯ ಮೇಲೆ ಸೆಕ್ಷನ್ 80ಸಿಯಲ್ಲಿ ಹೆಚ್ಚುವರಿ ಡಿಡಕ್ಷನ್ಗಳನ್ನು ಕ್ಲೇಮ್ ಮಾಡಬಹುದು.
ಇದರ ಜೊತೆಗೆ, ಹಳೆಯ ವ್ಯವಸ್ಥೆಯಲ್ಲಿ, ಕೆಲವು ಚಿಕಿತ್ಸೆಗಳಿಗೆ ಆದ ವೆಚ್ಚ ಮತ್ತು ಕೆಲವು ರೀತಿಯ ದೇಣಿಗೆಗಳಿಗೂ ಡಿಡಕ್ಷನ್ಗಳನ್ನು ಪಡೆಯಬಹುದು.ಹಣಕಾಸಿನ ವರ್ಷದ ಆರಂಭದಲ್ಲೇ ಟ್ಯಾಕ್ಸ್ ಪ್ಲಾನಿಂಗ್ ಮಾಡಬೇಕು. ಆದರೆ, ಅಜಿತ್ ರೀತಿ ಸ್ವಲ್ಪ ತಡವಾದರೂ ಚಿಂತೆ ಇಲ್ಲ. ಇನ್ನೂ ನಿಮ್ಮ ಬಳಿ ಸ್ವಲ್ಪ ಸಮಯ ಇದೆ. ಡಿಸೆಂಬರ್ ನಂತರವೂ ತಡ ಮಾಡಿದರೆ, ಸ್ವಲ್ಪ ಸಮಸ್ಯೆಯಾಗುತ್ತದೆ. ಕೊನೆಯ ಕ್ಷಣದಲ್ಲಿ ಟ್ಯಾಕ್ಸ್ ಪ್ಲಾನ್ ಮಾಡಿದರೆ, ಹೂಡಿಕೆಯನ್ನು ಆರಿಸಿಕೊಳ್ಳುವುದರಲ್ಲಿ ತಪ್ಪುಗಳಾಗಬಹುದು. ಮೊದಲನೆಯದಾಗಿ, ನಿಮಗೆ ಯಾವ ಟ್ಯಾಕ್ಸ್ ಸಿಸ್ಟಮ್ ಸೂಕ್ತ ಎಂದು ನೋಡಲು ಇನ್ಕಮ್ ಟ್ಯಾಕ್ಸ್ ಕ್ಯಾಲಕ್ಯುಲೇಟರ್ ಅನ್ನು ಬಳಸಿಕೊಳ್ಳಿ.
ತೆರಿಗೆ ಉಳಿಸಲು ನೀವು ಹೂಡಿಕೆ ಮಾಡುವುದು ಇಷ್ಟವಿಲ್ಲದಿದ್ದರೆ ಅಥವಾ ಕಡಿಮೆ ಸಂಬಳ ಇದ್ದರೆ, ಹೊಸ ತೆರಿಗೆ ವ್ಯವಸ್ಥೆಯನ್ನು ಆರಿಸಿಕೊಳ್ಳಬಹುದು. ನಿಮ್ಮದು ಹೋಮ್ ಲೋನ್ ಇದ್ದರೆ, ಸೆಕ್ಷನ್ 80ಸಿ ಅಡಿಯಲ್ಲಿ ಬೇರೆ ಬೇರೆ ಹೂಡಿಕೆ ಇದ್ದರೆ, ಎನ್ಪಿಎಸ್ನಲ್ಲಿ ಇನ್ವೆಸ್ಟ್ಮೆಂಟ್ ಮಾಡಿದ್ದರೆ, ಹಳೆಯ ತೆರಿಗೆ ವ್ಯವಸ್ಥೆಯೇ ನಿಮಗೆ ಸೂಕ್ತ. ನೀವು ನೌಕರರಾಗಿದ್ದರೆ, ನೀವು ಎಷ್ಟು ಬಾರಿ ಬೇಕಾದರೂ ಈ ತೆರಿಗೆ ಸಿಸ್ಟಮ್ ಅನ್ನು ಬದಲಿಸಿಕೊಳ್ಳಬಹುದು.
ಪರ್ಸನಲ್ ಫೈನಾನ್ಸ್ ಕುರಿತ ಲೆಟೆಸ್ಟ್ ಅಪ್ಡೇಟ್ಗಳಿಗೆ Money9 App ಡೌನ್ಲೋಡ್ ಮಾಡಿಕೊಳ್ಳಿ