ಏಷ್ಯನ್ ಪೇಂಟ್ಸ್ ಮತ್ತು ಬರ್ಜರ್ ಪೇಂಟ್ಸ್ ನಂತಹ ಕಂಪೆನಿಗಳು ಭಾರದತ ಪೇಂಟ್ ವಲಯದಲ್ಲಿ ಪ್ರಾಬಲ್ಯ ಹೊಂದಿವೆ. ಈಗ ಇದೇ ವಲಯಕ್ಕೆ ಆದಿತ್ಯ ಬಿರ್ಲಾ ಸಮೂಹದ ಪ್ರಾಯೋಜಕತ್ವದ ಕಂಪೆನಿ ಗ್ರಾಸಿಂ ಇಂಡಸ್ಟ್ರೀಸ್ ಎಂಟ್ರಿ ಕೊಟ್ಟಿರುವುದು ಆ ಕಂಪನಿಗಳಿಗೆ ಸವಾಲಾಗಬಹುದು. ಪೇಂಟ್ ಬ್ಯುಸಿನೆಸ್ ನಲ್ಲಿ ಮುಂದಿನ ಮೂರು ವರ್ಷಗಳಲ್ಲಿ ಲಾಭ ಗಳಿಕೆ ಗಿರಿಯನ್ನು ಗ್ರಾಸಿಂ ಹೊಂದಿದೆ. ಗ್ರಾಸಿಂ ಎಂಟ್ರಿ ಪೇಂಟ್ ಉದ್ಯಮದ ಇತರ ಕಂಪೆನಿಗಳ ಮೇಲೆ ಹೇಗೆ ಪ್ರಭಾವ ಬೀರಲಿದೆ? ಈ ವಲಯದಲ್ಲಿ ಕಾಂಪಿಟಿಷನ್ ಹೆಚ್ಚಾಗತ್ತಾ? ಬದಲಾಗುತ್ತಿರುವ ಈ ಸನ್ನಿವೇಶದಲ್ಲಿ ಪೇಂಟ್ ವಲಯದಲ್ಲಿ ಹೂಡಿಕೆ ಮಾಡಬಹುದಾ? ಮಾಡಬಹುದು ಎನ್ನುವುದಾದರೆ ಯಾವ ಷೇರುಗಳು ಬೆಸ್ಟ್? ಎಲ್ಲವನ್ನು ತಿಳಿದುಕೊಳ್ಳೋಣ.
ಫೆಬ್ರವರಿ 22 ರಂದು ಆದಿತ್ಯ ಬಿರ್ಲಾ ಸಮೂಹದ ಗ್ರಾಸಿಂ ಇಂಡಸ್ಟ್ರೀಸ್, ಬಿರ್ಲಾ ‘ಓಪಸ್’ ಬ್ರಾಂಡ್ ಅಡಿಯಲ್ಲಿ ಡೆಕೊರೇಟಿವ್ ಪೇಂಟ್ಬ್ಯುಸಿನೆಸ್ ಪ್ರವೇಶ ಮಾಡಿತು. ಪಾಣಿಪತ್, ಲೂಧಿಯಾನ ಮತ್ತು ತಮಿಳುನಾಡಿನ ಚೆಯ್ಯಾರ್ ಗಳಲ್ಲಿ ಮೂರು ಪೇಂಟ್ ತಯಾರಕ ಘಟಕಗಳ ಸ್ಥಾಪನೆಯನ್ನು ಕಂಪೆನಿ ಆರಂಭಿಸಿಕೊಂಡಿತು. ಈ ಮೂಲಕ 80 ಸಾವಿರ ಕೋಟಿ ರೂಪಾಯಿಯ ಡೆಕೊರೇಟಿವ್ ಪೇಂಟ್ ಮಾರ್ಕೆಟ್ ಪ್ರವೇಶಿಸಿದೆ. ಮಾರ್ಚ್ ನಿಂದ ಬಿರ್ಲಾ ಓಪಸ್ ಉತ್ಪನ್ನಗಳು ಪಂಜಾಬ್, ಹರಿಯಾಣ ಮತ್ತು ತಮಿಳಿನಾಡುಗಳಲ್ಲಿ ಲಭ್ಯವಾಗಲಿದೆ. 2024ರ ಜುಲೈ ವೇಳೆಗೆ ಈ ಉತ್ಪನ್ನಗಳು ಒಂದು ಲಕ್ಷದಷ್ಟರವರೆಗೆ ಜನಸಂಖ್ಯೆ ಇರುವ ನಗರಗಳಲ್ಲಿ ದೊರೆಯಲಿವೆ. ಜನವರಿ 2021 ರಲ್ಲಿ ಕಂಪೆನಿಯು ಹತ್ತು ಸಾವಿರ ಕೋಟಿ ರೂಪಾಯಿ ಹೂಡಿಕೆಯೊಂದಿಗೆ ಈ ಉದ್ಯಮಕ್ಕೆ ಪ್ರವೇಶಿಸುವ ಘೋಷಣೆ ಮಾಡಿತ್ತು. ಮುಂದಿನ ಮೂರು ವರ್ಷಗಳಲ್ಲಿ ಕಂಪೆನಿಯು ಒಟ್ಟು ಆದಾಯದಲ್ಲಿ ಹತ್ತು ಸಾವಿರ ಕೋಟಿ ರೂಪಾಯಿ ಗಳಿಕೆಯ ಉದ್ದೇಶದ ಜೊತೆಗೆ, ಒಮ್ಮೆಲೆ ಇಡೀ ವಲಯದ ಸಾಮರ್ಥ್ಯದ ಶೇಕಡ 40 ರಷ್ಟು ಉತ್ಪನ್ನಗಳನ್ನ ತಯಾರಿಸಿ ಈ ಉದ್ಯಮ ವಲಯದಲ್ಲಿ ತನ್ನ ಅಸ್ತಿತ್ವವನ್ನ ಸ್ಥಾಪಿಸುವ ಗುರಿ ಸಹ ಇದು ಹೊಂದಿದೆ.
ಹಣಕಾಸು ವರ್ಷ 2023 ರ ಅಂತ್ಯದ ವೇಳೆಗೆ ಪೇಂಟ್ ವಲಯದ ಗಾತ್ರ 62 ಸಾವಿರ ಕೋಟಿ ರೂಪಾಯಿಯಷ್ಟಿದ್ದು, ಅಗ್ರ ಐದು ಕಂಪೆನಿಗಳು ಸಂಘಟಿತ ವಲಯದಲ್ಲಿ ಸುಮಾರು ಶೇಕಡ 90 ಮಾರುಕಟ್ಟೆ ಪಾಲು ಹೊಂದಿವೆ. ಈ ಅಗ್ರ ಐದು ಕಂಪೆನಿಗಳು ಹಣಕಾಸು ವರ್ಷ 23ರ ಅಂತ್ಯದ ವೇಳೆಗೆ 42.2 ಲಕ್ಷ ಕಿಲೋಲೀಟರ್ ನಷ್ಟು ವಾರ್ಷಿಕ ಸಾಮರ್ಥ್ಯ ಹೊಂದಿದ್ದವು. ಮುಂದಿನ 3-4 ವರ್ಷಗಳಲ್ಲಿ, ಗ್ರಾಸಿಂ ಇಂಡಸ್ಟ್ರೀಸ್ 10 ಸಾವಿರ ಕೋಟಿ ರೂಪಾಯಿ ಹಾಗೂ ಏಷ್ಯನ್ ಪೇಂಟ್ಸ್ 8 ಸಾವಿರದ 750 ಕೋಟಿ ರೂಪಾಯಿ ಹೂಡಿಕೆ ಮಾಡಲಿದ್ದು, ಒಟ್ಟಾರೆ ಈ ವಲಯದಲ್ಲಿ 20 ರಿಂದ 22 ಸಾವಿರ ಕೋಟಿ ರೂಪಾಯಿಗಳಷ್ಟು ಹೂಡಿಕೆ ಹರಿದು ಬರುವ ನಿರೀಕ್ಷೆ ಇದೆ. ಸಾಮರ್ಥ್ಯ ವಿಸ್ತರಣೆ ಪೂರ್ಣಗೊಂಡ ಬಳಿಕ, ಒಟ್ಟಾರೆ ವಲಯದಲ್ಲಿ ಶೇಕಡ 20 ರಷ್ಟು ಸಾಮರ್ಥ್ಯ ಹೆಚ್ಚಳ ನಿರೀಕ್ಷಿಸಲಾಗಿದೆ.
ಹಾಗಿದ್ದರೆ ಗ್ರಾಸಿಂ ಪ್ರವೇಶವು ಪೇಂಟ್ ವಲಯದ ಮೇಲೆ ಹೇಗೆ ಪ್ರಭಾವ ಬೀರಲಿದೆ? ಆದಿತ್ಯಾ ಬಿರ್ಲಾ ಸಮೂಹದ ಅಧ್ಯಕ್ಷರಾದ ಕೆ.ಎಂ.ಬಿರ್ಲಾ ಅವರು, ಮೂರು ವರ್ಷಗಳ ಒಳಗಾಗಿ ಲಾಭ ಗಳಿಸಬೇಕು ಎನ್ನುವ ಗುರಿ ಇಟ್ಟುಕೊಂಡಿದ್ದಾರೆ. ಕಂಪೆನಿಯು ರಾಷ್ಟ್ರವ್ಯಾಪಿಯಾಗಿ ಜನರನ್ನು ತಲುಪಿದ್ದು, ಸಾಮರ್ಥ್ಯ ವಿಸ್ತರಣೆಗೆ ಗಣನೀಯ ಮೊತ್ತದ ವೆಚ್ಚ ಮತ್ತು ಎಲ್ಲಾ ಬಗೆಯ ಉತ್ಪನ್ನಗಳ ಲಭ್ಯತೆಯಿಂದಾಗಿ ಲಾಭಕ್ಕೆ ಚುರುಕು ದೊರೆತು ಇಡೀ ವಲಯಕ್ಕೆ ಬೆಂಬಲ ಸಿಗಲಿದೆ ಅನ್ನೋದು ವಿಶ್ಲೇಷಕರ ಅಭಿಪ್ರಾಯ ಆಗಿದೆ. ಆದಾಗ್ಯೂ, ಬ್ರೋಕರ್ ಗಳು ಈ ನಡೆಯ ನಂತರ ಕೂಡ ಕಂಪೆನಿಗಳ ಮೇಲಿನ ತಮ್ಮ ಬುಲಿಷ್ ನೋಟವನ್ನೇ ಮುಂದುವರಿಸಿದ್ದಾರೆ.
ಕಂಪೆನಿಯು ಹಣಕಾಸು ವರ್ಷ 2025ಲ್ಲಿ ಕರ್ನಾಟಕ, ಮಹಾರಾಷ್ಟ್ರ ಮತ್ತು ಪಶ್ಚಿಮ ಬಂಗಾಳದಲ್ಲಿ ಇನ್ನೂ ಮೂರು ಘಟಕಗಳನ್ನು ಸ್ಥಾಪಿಸುವ ಯೋಜನೆ ಹೊಂದಿದೆ. ಇದರಿಂದಾಗಿ ವಾರ್ಷಿಕ ಸಾಮರ್ಥ್ಯ 13.32 ಲಕ್ಷ ಕಿಲೋಲೀಟರ್ ಗಳಷ್ಟಾಗಲಿದೆ. ಬ್ರೋಕಿಂಗ್ ಸಂಸ್ಥೆ ಪ್ರಭುದಾಸ್ ಲಿಲ್ಲಾಧೇರ್ ಹೇಳೋ ಪ್ರಕಾರ, ಈ ವಲಯದ ಎರಡನೇ, ಮೂರನೇ ಮತ್ತು ನಾಲ್ಕನೇ ಅತಿ ದೊಡ್ಡ ಕಂಪೆನಿಗಳ ಒಟ್ಟಾರೆ ಉತ್ಪಾದನಾ ಸಾಮರ್ಥ್ಯವನ್ನ ಈ ಕಂಪೆನಿಯು ಮೀರಿಸೋ ಗುರಿ ಹೊಂದಿದೆ. ಪ್ರಸ್ತುತ 17.30 ಲಕ್ಷ ಕಿಲೋಲೀಟರ್ ಸಾಮರ್ಥ್ಯದೊಂದಿಗೆ ಏಷ್ಯನ್ ಪೇಂಟ್ಸ್ ಈ ವಲಯದಲ್ಲಿ ಮುಂಚೂಣಿಯಲ್ಲಿದ್ದರೆ, 12.72 ಲಕ್ಷ ಕಿಲೋಲೀಟರ್ ಸಾಮರ್ಥ್ಯದೊಂದಿಗೆ ಬರ್ಜರ್ ಪೇಂಟ್ಸ್ ಎರಡನೇ ಅತಿದೊಡ್ಡ ಕಂಪೆನಿಯಾಗಿದೆ.
ಪ್ರಸ್ತುತ, ಗ್ರಾಸಿಂ ತಮ್ಮ ಸಾಮರ್ಥ್ಯ ವಿಸ್ತರಣೆಗಾಗಿ 6 ಸಾವಿರ ಕೋಟಿ ರೂಪಾಯಿಗಳನ್ನ ಖರ್ಚು ಮಾಡಿದೆ ಅಂದರೆ ಶೇಕಡ 60 ರಷ್ಟನ್ನ ಖರ್ಚು ಮಾಡಿದೆ. ಸಾಮರ್ಥ್ಯ ವಿಸ್ತರಣೆಗಾಗಿ ಇನ್ನೂ ಶೇಕಡ 40 ರಷ್ಟನ್ನ ಖರ್ಚು ಮಾಡೋ ಸಾಧ್ಯತೆ ಇದೆ ಅಂತಾ ಪ್ರಭುದಾಸ್ ಲಿಲ್ಲಾಧರ್ ಅಭಿಪ್ರಾಯಪಟ್ಟಿದಾರೆ.
ಷೇರು ಮಾರುಕಟ್ಟೆ ತಜ್ಞರಾದ ಅಂಬರೀಷ್ ಬಲಿಜಾ ಈ ಬಗ್ಗೆ ಏನು ಹೇಳುತ್ತಾರೆ ಎನ್ನುವುದನ್ನು ನೋಡೊಣ. ಪೇಂಟ್ ತಯಾರಿಕೆ ರಾಕೆಟ್ ಸೈನ್ಸ್ ಏನಲ್ಲ. ಕಡಿಮೆ ಇನ್ವೆಂಟ್ರಿ ಇಟ್ಟುಕೊಂಡು ವಿತರಣೆಯಲ್ಲಿ ಗರಿಷ್ಠ ಪ್ರಮಾಣ ತಲುಪಿದರೆ ಅದು ಯಶಸ್ವಿಯಾಗಲಿದೆ. ಈ ವಿಷಯದಲ್ಲಿ ಏಷ್ಯನ್ ಪೇಂಟ್ಸ್ ಉತ್ಕೃಷ್ಟ ಪ್ರದರ್ಶನ ತೋರಿದ್ದು, ಅದಕ್ಕೆ ವ್ಯಾಲ್ಯುಯೇಷನ್ ಪ್ರೀಮಿಯಂ ಸಿಕ್ಕಿದೆ. ವ್ಯಾಲ್ಯುಯೇಷನ್ ಪ್ರೀಮಿಯಂ ಅಂದರೆ ಉದ್ಯಮದ ಮೂಲಭೂತ ತತ್ವಗಳಿಂದ ಖರೀದಿದಾರರು ನೀಡಲು ಬಯಸುವ ಹೆಚ್ಚುವರಿ ಮೊತ್ತ. ಈಗ ಡೆಕೊರೇಟಿವ್ ಪೇಂಟ್ ವಲಯಕ್ಕೆ ಅನೇಕ ಹೊಸ ಕಂಪೆನಿಗಳು ಪ್ರವೇಶಿಸುತ್ತಿವೆ. ಇದು ಬರ್ಜರ್, ಅಕ್ಝೋ ನೊಬೆಲ್, ಇಂಡಿಗೋ ಮತ್ತು ಜೆ ಎಸ್ ಡಬ್ಲ್ಯು ಪೇಂಟ್ ನಂತಹ ಕಿರು ರಾಷ್ಟ್ರೀಯ ಮತ್ತು ಪ್ರಾದೇಶಿಕ ಕಂಪೆನಿಗಳ ಮೇಲೆ ಪ್ರಭಾವ ಬೀರಬಹುದಾಗಿದೆ. ಮಾರುಕಟ್ಟೆಯಲ್ಲಿ ಪಾಲು ಸಿಗಲು ಗ್ರಾಸಿಂ ಸಣ್ಣ ಹೋರಾಟ ಮಾಡಲೇಬೇಕಿದೆ.
ಆದರೆ ಗ್ರಾಸಿಂ ಪ್ರವೇಶದಿಂದಾಗಿ ಈ ವಲಯದಲ್ಲಿ ಪ್ರಸ್ತುತ ಇರೋ ಕಂಪೆನಿಗಳ ಮಾರ್ಜಿನ್ ಮತ್ತು ಮಾರ್ಕೆಟ್ ಷೇರ್ ಮೇಲೆ ಏನಾದರೂ ಪ್ರಭಾವ ಉಂಟಾಗಲಿದೆಯಾ ಎನ್ನುವುದನ್ನು ತಿಳಿದುಕೊಳ್ಳಬೇಕು. ಬಿರ್ಲಾ ಓಪಸ್ ತನ್ನ ಉದ್ದೇಶಗಳನ್ನು ಆಫರ್ ಮೂಲಕ ಸ್ಪಷ್ಟವಾಗಿ ತಿಳಿಸಿದೆ. ಎನಾಮಲ್ ಅಥವಾ ವುಡ್ ಫಿನಿಷ್ ಗಳ ಮೇಲೆ ಒಂದು ವರ್ಷದ ವಾರಂಟಿ, ಕಾಂಟ್ರ್ಯಾಕ್ಟರ್ ಗಳಿಗೆ ರಿಯಾಯಿತಿ, ಉಚಿತ ಟಿಂಟಿಂಗ್ ಮಷಿನ್, ವಾಟರ್ ಬೇಸ್ಡ್ ಪೇಂಟ್ ಗಳಲ್ಲಿ ಶೇಕಡ 10 ರಷ್ಟು ಹೆಚ್ಚುವರಿ ಪ್ರಮಾಣ ಮೊದಲಾದ ಆಫರ್ ಗಳನ್ನ ಕೊಟ್ಟಿವೆ. ಇದರಿಂದಾಗಿ ಮಾರಾಟ ಪ್ರಮಾಣ ಹೆಚ್ಚಾಗತ್ತದೆ. ಹಾಗೇ ಇದು ಬ್ರಾಂಡ್ ಅನ್ನ ಕೂಡ ಎಸ್ಟಾಬ್ಲಿಷ್ ಮಾಡತ್ತದೆ ಎಂದು ಪ್ರಭುದಾಸ್ ಹೇಳುತ್ತಾರೆ. ಆದರೆ ಗ್ರಾಸಿಂ ಪ್ರವೇಶದ ಬಳಿಕ, ದೊಡ್ಡ ಕಂಪೆನಿಗಳಾದ ಏಷ್ಯನ್ ಪೇಂಟ್ಸ್, ಬರ್ಜರ್ ಪೇಂಟ್ಸ್ ಮತ್ತು ಕನ್ಸೈ ನೆರೊಲ್ಯಾಕ್ ನಂತಹ ದೊಡ್ಡ ಕಂಪೆನಿಗಳು ಆಕ್ರಮಣಕಾರಿ ತಂತ್ರಗಳನ್ನ ಅನುಸರಿಸುವ ಸಾಧ್ಯತೆ ಇದೆ ಎನ್ನುವುದು ಬ್ರೋಕರೇಜ್ ಸಂಸ್ಥೆಗಳ ಅಭಿಪ್ರಾಯ. ಭಾರಿ ರಿಯಾಯಿತಿ ಮತ್ತು ಕಸ್ಟಮರ್ ಆಫರ್ ಗಳು ಅಲ್ಪಾವಧಿ ಪ್ರಗತಿಯ ಮೇಲೆ ಪರಿಣಾಮ ಬೀರಬಹುದಾಗಿದೆ. ಹೀಗಾಗಿ, ಗ್ರಾಸಿಂ ಪ್ರವೇಶದ ಬಗ್ಗೆ ಸ್ಪಷ್ಟತೆ ಸಿಗೋವರೆಗೂ ಪೇಂಟ್ ಷೇರುಗಳಿಂದ ದೂರ ಇರುವುದೇ ಉತ್ತಮ ಎನ್ನುವುದು ಬ್ರೋಕರೇಜ್ ಸಂಸ್ಥೆಗಳ ಸಲಹೆ.
ಇನ್ನು ಮಾರ್ಜಿನ್ ಗಳ ಬಗ್ಗೆ ಹೇಳೋದಾದರೆ ಏಷ್ಯನ್ ಪೇಂಟ್ಸ್ ಗೆ ಇದು ಹೆಚ್ಚಿನ ಸವಾಲೊಡ್ಡಲಿದೆ. ಏಕೆಂದರೆ ಮಾರ್ಜಿನ್ ಗಳು ದಾಖಲೆಯ ಮಟ್ಟಕ್ಕೆ ಹತ್ತಿರವಿದೆ. ಅದೇ ಕನ್ಸಾಯ್ ನೆರೋಲ್ಯಾಕ್ ನ ಮಾರ್ಜಿನ್ ದಾಖಲೆಯ ಮಟ್ಟಕ್ಕಿಂತ ಶೇಕಡ 4 ರಷ್ಟು ಕಡಿಮೆ ಇದೆ. ಅದೇ ರೀತಿ, ಮಾರ್ಕೆಟ್ ಷೇರುಗಳನ್ನ ನೋಡುವುದಾದರೆ ಏಷ್ಯನ್ ಪೇಂಟ್ಸ್ ಶೇಕಡ 52 ರಿಂದ 54 ರಷ್ಟು ಪಾಲು ಹೊಂದಿದ್ದು ಪ್ರಬಲವಾಗಿದೆ. ಇದಕ್ಕೆ ಯಾವುದೇ ಭೀತಿ ಇಲ್ಲ ಎನ್ನುವುದು ಪ್ರಭುದಾಸ್ ಅವರ ನಂಬಿಕೆ.
ಕಂಪೆನಿಯ ನೆಟ್ ವರ್ಕ್ ದೃಢವಾಗಿದೆ, ಬ್ರ್ಯಾಂಡ್ ಬಲವಿದೆ ಹಾಗೇ ಬೇರೆ ಬೇರೆ ಬೆಲೆಗಳಲ್ಲಿ ಅದರ ಉತ್ಪನ್ನಗಳ ಲಭ್ಯತೆಯಿಂದಾಗಿ ಇತರ ಸ್ಪರ್ಧಿ ಕಂಪೆನಿಗಳಿಗೆ ಹೋಲಿಸಿದರೆ ಅದರ ಸ್ಥಾನ ಪ್ರಬಲವಾಗಿದೆ. ಆದಾಗ್ಯೂ, ಬಿರ್ಲಾ ಓಪಸ್ ನ ತಂತ್ರಗಾರಿಕೆ ಆಧರಿಸಿದರೆ, ಏಷ್ಯನ್ ಪೇಂಟ್ಸ್ ನ ಪ್ರಮಾಣದ ಮೇಲೆ ಒತ್ತಡ ಇರಲಾರದು ಅಂತಾ ಹೇಳೋಕೆ ಸಾಧ್ಯ ಆಗಲ್ಲ. ಡೆಕೊರೇಟಿವ್ ಪೇಂಟ್ ಸೆಗ್ಮೆಂಟ್ ನಲ್ಲಿ ಕಂಪೆನಿಯ ಮಾರುಕಟೆ ಷೇರು ಕೇವಲ ಶೇಕಡ 1 ರಷ್ಟು ಕಡಿಮೆ ಆದರೂ ಕೂಡ, ಬೆಳವಣಿಗೆ ಮೇಲೆ ಅದು ಗಣನೀಯ ಪರಿಣಾಮ ಬೀರುವ ಸಾಧ್ಯತೆ ಇದೆ. ಮತ್ತೊಂದೆಡೆ, ಕನ್ಸೈ ನೆರೊಲ್ಯಾಕ್ ಹೆಚ್ಚು ಸ್ಪರ್ಧೆ ನೀಡುವ ಸಾಧ್ಯತೆ ಇದೆ. ಅದು ಇಂಡಸ್ಟ್ರಿಯಲ್ ಪೇಂಟ್ ಸೆಗ್ಮೆಂಟ್ ನಲ್ಲಿ ಸದೃಢ ಮುನ್ನೋಟ ಹೊಂದಿದೆ, ಹಾಗೇ ಮಾರಾಟ ಪ್ರಮಾಣ 1 ಸಾವಿರ ಕೋಟಿ ರೂಪಾಯಿಯಷ್ಟಿದೆ.
ಮೂರನೇ ತ್ರೈಮಾಸಿಕದ ಫಲಿತಾಂಶ ಮತ್ತು ಗ್ರಾಸಿಂ ಪ್ರವೇಶದಿಂದಾಗಿ, ಮುಂಚೂಣಿ ಏಷ್ಯನ್ ಪೇಂಟ್ಸ್ ಬಗ್ಗೆ ಬಹುತೇಕ ಬ್ರೋಕರ್ ಗಳು ಅನಿಶ್ಚಿತತೆ ಹೊಂದಿದ್ದಾರೆ. ಮ್ಯಾಕ್ಯುರೈನ್ ಮತ್ತು ಎಚ್ ಎಸ್ ಬಿ ಸಿ ಹೊರತುಪಡಿಸಿದರೆ, ಎಲ್ಲಾ ಇತರ ಬ್ರೋಕರ್ ಗಳು ಈ ಷೇರುಗಳ ಮೇಲೆ ಬುಲ್ಲಿಷ್ ಟ್ರೆಂಡ್ ಹೊಂದಿಲ್ಲ.
ಇದರಿಂದಾಗಿ ಹೂಡಿಕೆದಾರರು ಏನು ಮಾಡಬೇಕು ಎನ್ನುವ ಪ್ರಶ್ನೆ ಉದ್ಭವಿಸಿದೆ? ಈ ಬದಲಾಗುತ್ತಿರುವ ಸನ್ನಿವೇಶದಲ್ಲಿ, ಪೇಂಟ್ ವಲಯದಲ್ಲಿ ಹೂಡಿಕೆ ಮಾಡಬಹುದಾ? ಹೌದು ಎನ್ನುವುದಾದರೆ ಯಾವ ಷೇರುಗಳಲ್ಲಿ? ಅಂಬರೀಶ್ ಬಲಿಜಾ ಅವರಿಂದ ತಿಳಿಯೋಣ ಬನ್ನಿ. ಸದೃಢ ಜಾಲ ಅಂದ್ರೆ ಸ್ಟ್ರಾಂಗ್ ನೆಟ್ ವರ್ಕ್ ನಿಂದಾಗಿ ಏಷ್ಯನ್ ಪೇಂಟ್ಸ್ ಹತ್ತಿರದ ಭವಿಷ್ಯದಲ್ಲಿ ಮಾರುಕಟ್ಟೆ ನಾಯಕನಾಗಿ ಮುಂದುವರಿಯಲಿದೆ. ಎರಡು ವರ್ಷಗಳ ಮುನ್ನೋಟದೊಂದಿಗೆ, ಪ್ರತಿ ಇಳಿಕೆಯೊಂದಿಗೆ 3 ಸಾವಿರ 900 ಹಾಗೂ 4 ಸಾವಿರ 200 ರೂಪಾಯಿಗಳ ಟಾರ್ಗೆಟ್ ನೊಂದಿಗೆ ಷೇರುಗಳನ್ನ ಖರೀದಿಸುವುದಕ್ಕೆ ಇದು ಸೂಕ್ತ ಸಮಯ. ಮತ್ತೊಂದೆಡೆ, ಕನ್ಸೈಲ್ ನೆರೊಲ್ಯಾಕ್ ನಲ್ಲಿ ಇಳಿಕೆ ಇದೆ. ಮಧ್ಯಮಾವಧಿ ದೃಷ್ಟಿಕೋನದೊಂದಿಗೆ, 350 ರೂಪಾಯಿ ಟಾರ್ಗೆಟ್ ನೊಂದಿಗೆ ಈ ಷೇರುಗಳನ್ನ ಖರೀದಿಸಬಹುದು, ಯಾಕೆಂದರೆ ಇಂಡಸ್ಟ್ರಿಯಲ್ ಸೆಗ್ಮೆಂಟ್ ಮೇಲೆ ಗ್ರಾಸಿಂನ ಪ್ರವೇಶ, ಪ್ರಭಾವ ಬೀರುವ ಸಾಧ್ಯತೆ ಇದೆ ಹಾಗೇ ಈ ಷೇರು ಅತಿವೇಗವಾಗಿ ಬೌನ್ಸ್ ಬ್ಯಾಕ್ ಆಗೋ ಸಾಧ್ಯತೆ ಕೂಡ ಇದೆ.
ಒಟ್ಟಾರೆಯಾಗಿ, ಗ್ರಾಸಿಂ ಎಂಟ್ರಿ ಪೇಂಟ್ ವಲಯವನ್ನ ಕದಡಿದೆ. ಕಂಪೆನಿಗಳ ಮೇಲೆ ಇದರ ಪ್ರಭಾವ ಉಂಟಾಗಲು ಸ್ವಲ್ಪ ಸಮಯ ಹಿಡಿಯುತ್ತದೆ. ಆದರೆ ಬ್ರೋಕರ್ ಗಳು ಈಗಾಗಲೇ ಪ್ರಭಾವಿತರಾಗಿದಾರೆ ಅನ್ನೋದು ಅವರ ವರದಿಗಳಲ್ಲಿ ಗೊತ್ತಾಗುತ್ತಿದೆ. ಹೀಗಾಗಿ, ಹೊಸ ಬೆಳವಣಿಗೆಗಳ ಬಗ್ಗೆ ಪರಿಸ್ಥಿತಿ ಸ್ಪಷ್ಟವಾಗೋವರೆಗೂ ಅಥವಾ ಸ್ಥಿರತೆ ಸಾಧಿಸುವವರೆಗೂ ಈ ವಲಯದಲ್ಲಿ ಹೂಡಿಕೆ ಬಗ್ಗೆ ಜಾಗ್ರತೆ ಇಟ್ಟುಕೊಳ್ಳುವುದುದೇ ಜಾಣತನ.
ಪರ್ಸನಲ್ ಫೈನಾನ್ಸ್ ಕುರಿತ ಲೆಟೆಸ್ಟ್ ಅಪ್ಡೇಟ್ಗಳಿಗೆ Money9 App ಡೌನ್ಲೋಡ್ ಮಾಡಿಕೊಳ್ಳಿ